Tayari Diego Costa yuko Hispania lakini hataweza kuitumikia klabu hiyo hadi mwezi wa kwanza kutokana na kifungo cha usajili kinachoikabili Athletico Madrid.
Sio tu mashabiki wa Athletico waliofurahia usajili wa Diego Costa bali Costa mwenyewe hii ni kitu ambayo alitamani sana itokee kwenye maisha yake, baada ya kuzinguana na Chelsea alitamani sana kurudi nyumbani.
Diego Simeone wajina wa Costa ni kocha ambaye toka msimu umeanza amekuwa akitafuta pacha wa Griezman kwa kuwapa nafasi vijana, lakini katika 4-4-2 ambayo mara nyingi amekuwa akiitumia anaonekana ataanza kumuweka Costa na Griezman mbele.
Hii inamaanisha Griez na Costa watawafanya Saul Niguez na Yannick Carrasco kucheza pembeni zaidi, uwezo wa Griezman kukaa na mpira na ufundi mwingi utamfanya Costa awe huru mno kufanya kile alichokuwa akikifanya Chelsea kukimbizana na mabeki na kuweka kambani.
Kuzungukwa na Yannick Carrasco, Saul Niguez na Antonio Griezman kama pacha kutamfanya Diego asiwe na muda mwingi kuzunguka sana uwanjani kwani tayari pembeni kutakuwa na watu sahihi wa kumlisha.
Wakati unaongelea mfumo wa Diego Simeone lakini mtandaoni ukisoma maoni ya mashabiki wa Athletico Madrid wanataka kuona Costa akicheza na Fernando Torres wote waanzishwe kwa pamoja.
Lakini inawezekanaje kumuacha Griezman nje?kitakachotokea kama Simeone akitaka kufanya hivi ni kuanza kucheza 4 5 1 ambapo sasa itabidi Costa asimame peke yake kabisa mbele zaidi karibu na lango la wapinzani.
Nyuma ya Costa watakuwepo Fernando Torres na Antoine Griezman,hii ina maanisha Athletico watakuwa na striker mmoja mbele lakini nyuma hawa wawili Torres na Griez watakuwa washambuliaji lakini wanacheza kama attacking midfilders.
Wakati huo huo ikumbukwe kwamba Griezman haaminiki na saa yoyote atasepa Athletico Madrid na hapo itabidi Costa ndio aibebe klabu hiyo na ndio maana usajili wake umefurahiwa sana na mashabiki wa klabu hiyo.
Athletico Madrid walihitaji mtu ambaye kwanza ana uwezo mkubwa kuibeba timu lakini pili awe anaipenda haswa klabu hii, na hiyo iko wazi kwamba Diego Costa anaipenda sana Athletico kuliko alikotoka,muda utaongea na tutaona nini kitafanyika akianza kuivaa jezi ya Athletico.
Post a Comment